Jasurbek Mavlonov - Bilmadim, onajon

Bilmadim onajon, bilmadim.
Sevgida kelmadi omadim,
Yor aytsa sevgisin iymanib
Men noshud ezozin qilmadim.

Qay kuni nogohon uchratdim,
Jilmayib xolimni so’radi.
Yana men so’z topmay lol qotdim,
Nigohi qalbimni tirnadi.

Bilmadim onajon, bilmadim.
Sevgida kelmadi omadim,
Yor aytsa sevgisin iymanib
Men noshud ezozin qilmadim.

Nahot men gulni ranjitdim,
Istirob ko’ksimni o’ymoqda,
U bugun yonimdan o’tdi jim
Yuragim alamdan kuymoqda.

Bilmadim onajon, bilmadim.
Sevgida kelmadi omadim,
Yor aytsa sevgisin uyalib
Men noshud ezozin qilmadim.

Nima u sevgining asosi,
Achchiqmi taqdirning qasosi,
Armonli so’z bilan bitildi,
Mening ham sevgimning qissasi.

Bilmadim onajon, bilmadim.
Sevgida kelmadi omadim,
Men qancha intilmay tolega
Baxtimdek o’zim ham kulmadim.