Hilola Hamidova - Yulduzlar makoni O’zbekistonim

Bibixonim quchib kichik Mirzoni,
Bobongiz dunyoni oldi degandi.
Erkalab ko’rsatib, o’tlig’ samoni,
Sizga sayyoralar qoldi degandi.

Yurakka cho’g’ solgan nurli osmonim,
Yulduzlar maskani O’zbekistonim!

O’zbegim dunyoga shoh berding ajab,
Shohlar g’olib chiqdi olam bo’ldi mot.
Kimlar yulduzini quchdi sen sabab,
Kimga ilm-u shahding berdi qo’sh qanot.

Yurakka cho’g’ solgan nurli osmonim,
Yulduzlar maskani O’zbekistonim!

Ulug’bek yulduzi ko’rdim ko’zda yosh,
Tongda tillolalanib ketdi osmonim,
Qalbimga bobomdek nur sochdi quyosh,
Bu sening yulduzing O’zbekistonim.

Yurakka cho’g’ solgan nurli osmonim,
Yulduzlar maskani O’zbekistonim!

Yulduzlarim topgan Sohibqironim,
Taxtimsan, baxtimsan O’zbekistonim!