Hojiakbar Haydarov - Unutma

Qadami zarlarga to‘lib yurgan zot,
Yulduzni benarvon urib yurgan zot,
Kibrda shoxona davron surgan zot,
Havolanib ketma tinglagin rostin,
O‘tgan kunlaringni unutma do‘stim!

Bugun kiyikdan qo‘rqqan, ertaga qoplon,
Kecha- burgut, bugun- murg’ak polopon,
Ne kelsa birdek bo‘l, o’zgarma har on,
Boricha qabul qil baland-u pastin,
O‘tgan kunlaringni unutma do‘stim!

Hayot charxpalagi sinar beshavqat,
Kimlar mag’rur, kimlar qilolmas toqat,
Aslingdek ko‘rinur shundoq bo’l faqat,
Hechkim bo’lmas qamal dunyoga ustun,
O‘tgan kunlaringni unutma do‘stim!

Omad qushi bugun uchib yurgan zot,
Yulduzni be narvon urib yurgan zot,
Kibrda shoxona davron surgan zot,
Havolanib ketma tinglagin rostin,
O‘tgan kunlaringni unutma do‘stim.

O‘tgan kunlaringni unutma do‘stim!