Kaniza - Yor-yor

Bugun endi o’z uyimga mehmon kunim,
Xayr deyman erkaligim, podsholigim.
Shu ekanda qiz bolaning taqdir kuyi,
Baxtli kuni ko’z yoshini to’kar to’yi.

Yor-yor, yor-yor,
O’zga uyga yangi qiz bo’ldim man yor-yor.
Yor-yor, yor-yor,
O’z uyimga mehmon bo’ldim endi yor-yor.

Shu kungacha malikadek asrab otam,
Kelin emas qizi bo’lgin degan onam,
Kuyov uyin ostonasin bosgan kuning,
O’sha uyning farzandisan jonim bolam.

Yor-yor, yor-yor,
O’zga uyga yangi qiz bo’ldim man yor-yor.
Yor-yor, yor-yor,
O’z uyimga mehmon bo’ldim endi yor-yor.