O'ktam Nafasov - Onajonim

Boshing toshdan bo’lsin deydi sho’rlik onam,
Bilmaydi-da boshim toshdan qattiqligin.
Bilmaydi-da munisginam, soddaginam,
Shu yoshimda ko’ksim to’la chandiqligin.

Yomon ko’zdan asraydi deb taqaverar,
Bo’ylarimga tumorlarni mehribonim.
Hatto qismat asrolmagan o’g’lingizni,
Shu tumorlar asrarmidi, onajonim?

Onajonim, mexribonim,
Quchog’ingiz sog’indim beg’uborim.
Sizga jonim bersam kam,
Boshingiz ko’rmaydi g’am,
Poyingizga ta’zim qilsam,
Jannatim onam.

Men yoshlikning zavqlarini,
Bilmay o’sdim.
Bag’ringizni shuncha erta bo’shattimu?
O’z yuragim chizib bergan yo’ldan yurib,
Sochlaringiz qarosini yo’qotdimmu?

Qurib ketsin ushbu yo’lda topganlarim,
Ko’rganlarim, yig’ganlarim bo’lsin ado,
Bitta so’zning orqasidan chopganlarim,
Bilolmadim, kechirarmu meni xudo?!

Onajonim, mexribonim,
Quchog’ingiz sog’indim beg’uborim.
Sizga jonim bersam kam,
Boshingiz ko’rmaydi g’am,
Poyingizga ta’zim qilsam,
Jannatim onam.