Anvar G'aniyev - Sog’inmaysiz

Sog’inmaysiz nechun bag’ritosh,
Mening esa ko’zlarim to’la yosh,
Jonim ikki o’t ichinda talosh,
Ayting mensiz qandoq yashaysiz,
Sog’insangiz nega kelmaysiz.

Boshingizni osmonlar etmang,
Mag’rur bo’lib armonda o’tmang,
Meni yolg’iz qoldirib ketmang,
Ayting mensiz qandoq yashaysiz,
Sog’insangiz nega kelmaysiz.

Meni tanho marjonginamsiz,
Dilim yutgan fig’onginamsiz,
Siz tillari biyronginamsiz,
Ayting mensiz qandoq yashaysiz,
Sog’insangiz nega kelmaysiz.

Qalbimdagi armonginamey,
Bu jonimga darmonginamey,
Sizsiz umrim xazonginamey,
Ayting mensiz qandoq yashaysiz,
Sog’insangiz nega kelmaysiz.