Anvar G'aniyev - Kelinchak

Armonlari taxmoniga taxlangan gul,
Nozik ko’ngli cho’g’lar aro dog’langan gul,
Orzulari osmonlarga shaylangan gul,
Baxtli bo’lgin kelinchak.

Hamma qizlarga orzu bo’ldi to’ying,
Chaman bo’ldi go’zal ko’cha-ko’ying,
Allalarga to’lib ketsin uying,
Baxtli bo’lgin kelinchak.

Chimildiqning chekkasida umid yig’lar,
Ko’z oldimda ming nasixat, o’git yig’lar,
Qay xovlida ko’ngil bergan yigit yig’lar,
Baxtli bo’lgin kelinchak.

Ikki vujud birlashmasa olovlarda,
Ishq yonmasa visol degan qalovlarda,
Bu boshginang omon bo’lsin sinovlarda,
Baxtli bo’lgin kelinchak.

Hamma qizlarga orzu bo’ldi to’ying,
Chaman bo’ldi go’zal ko’cha-ko’ying,
Allalarga to’lib ketsin uying,
Baxtli bo’lgin kelinchak.