Anvar G'aniyev - Bu bozor

Ot aylanib qozog’ini topganda,
Zot aylanib to’zligini topganda,
El aylanib o’zligini topganda,
Sen aylanib qayerlarga ketding yor.
Kimga arzon, kimga qimmat bu bozor.

Bir boshimda ming-ming savdo o’ynaydi,
Ko’z yoshimga ikki dunyo qaynaydi,
Yurak dardim haqdan o’zga bilmaydi,
Nima bo’ldi, nelar bo’ldi senga yor,
Kimga arzon, kimga qimmat bu bozor.

Bu yerlarga yulduz tilab keldim men,
O’z poyimga o’tni qalab keldim men,
Kim o’t yoqsa o’chog’iga to’ldim men,
Chimildig’ing chirqillaydi kuygan yor
Kimga arzon, kimga qimmat bu bozor.