Anvar G'aniyev - Nozli qiz

Devorlari baland xovlida,
Nozlari baland qiz yashar,
Derazasidan qaraydi deb
Necha oshiq joy talashar.

Bo’ynidagi hayolim olar,
Marvaridlari yaltirar,
Ko’zlari menga tushib qolsa,
Yuragim ozor qaltirar.

U yonda qiz, buyonda biz
O’rtada hijron.
Malika qiz gadosimiz,
Go’yo yer bilan osmon.

Oynasidan menga qarasa,
Oyga o’xshab ketadi yuzi,
Shaydolari hayronu, vayron,
Shu qizni sevar o’zi

Qizg’onaman hamma-hammadan,
Shu gullarning ra’nosini,
Balki u ham sevadi jondan,
Mendan Anvar Mirzosini

U yonda qiz, buyonda biz
O’rtada hijron.
Malika qiz gadosimiz,
Go’yo yer bilan osmon.