Anvar G'aniyev - Bahor keldi

Ko’klam ko’rki ko’zga sig’mas,
Bu ne qo’shiq so’zga sig’mas,
Oshiq dillar o’zga sig’mas,
Yodga gul yuz dildor keldi,
Bahor keldi, bahor keldi.

Alvonlarim sog’ingan qush,
Ayvonlarni ko’rarkan mush,
Qaldirg’ochim xush kelding, xush
Qalam qoshli xumor keldi,
Bahor keldi, bahor keldi.

Ketar bo’ldi zog’lar qochib,
Ko’zimizda kurtak ochib,
Xovuch-xovuch shodlik sochib,
Maysalarda mador keldi,
Bahor keldi, bahor keldi.

Sevmay sira kuyib bo’lmas,
Gulni yerga qo’yib bo’lmas,
Go’zallikka to’yib bo’lmas,
Bu ne baxtki takror keldi,
Bahor keldi, bahor keldi.