Botir Qodirov - Yonaman

Ko’zing o’zga ko’zga otash solmasin,
Mendan o’zga seni seva olmasin.
Saningchun ahli ishqning sultoni menman,
O’zga oshiq, ayt, bu yo’lda yurmasin.

Ko’zlaringda yolg’iz o’zim qolaman,
Borimni poyandoz etib solaman.
Ko’zlaringda yolg’iz o’zim qolaman,
Jondan kechib, sendan kechmay yonaman,
Yonaman.

Parvo qilma zimdan goh so’zlaganga,
Shunday kelin bo’lsa, deb ko’zlaganga.
Shaydo ko’p, sen-chi yolg’iz, yagonasan,
Tegib ko’r mendan boshqa bo’zlaganga!

Ko’zlaringda yolg’iz o’zim qolaman,
Borimni poyandoz etib solaman.
Ko’zlaringda yolg’iz o’zim qolaman,
Jondan kechib, sendan kechmay yonaman,
Yonaman.

O’tli nigoh oshiqligim chog’lagan,
Qaro zulfing jon rishtasin bog’lagan.
Jismu-jonim, senga borim tortiq desam,
Nozu-ishvang o`rtab, dilim dog`lagan.

Ko’zlaringda yolg’iz o’zim qolaman,
Borimni poyandoz etib solaman.
Ko’zlaringda yolg’iz o’zim qolaman,
Jondan kechib, sendan kechmay yonaman,
Yonaman.