Botir Qodirov - Yig’laysanmi

Tun kechalar ko’kda hilol kulib turar,
Hilolmisan hiloldayin kulmaysanmi?
Sen kulmasang boshginamga osmon qular,
Seni qanday e’zozlashim bilmaysanmi?

Sen ham meni sog’inganda yig’laysanmi,
Seni qanday e’zozlashim bilmaysanmi?

Balki bedor, balki orom olib shul chog’,
Tortadursan uyqu ichra bir o’tli ox,
Ko’rgil bizni ne ko’ylarga soldi firoq,
Tushlaringda meni quchib uxlaysanmi,
Sen ham meni sog’inganda yig’laysanmi?

Mensiz xatto dunyolarga sig’maysanmi,
Sen ham meni sog’inganda yig’laysanmi?

Ranjimagin sevging menga azob desam,
Hijroningda orzularim sarob desam,
Ranjimagin sevging menga azob desam,
Hijroningda nechun bo’ldim xarob desam,
Yana meni o’z xolimga qaytar desam.

Ko’ksimga bosh qo’yib battar tig’laysanmi,
Sen ham meni sog’inganda yig’laysanmi?

Sensiz qalbim faryodlarga to’lib borar,
Jonsiz jismim lahza sayin so’lib borar,
Bu dard meni ming bo’lakka bo’lib borar,
Sevsang agar xolim so’rab kelmaysanmi,
Sen ham meni sog’inganda yig’laysanmi?