Botir Qodirov - Ayirma

Duogo’yim otamdan, ko’zim nuri onamdan,
Ham jonu, ham tanamdan ayirmagin-ayirma.
Og’a-inim yelkadosh, opa-singlim bir qondosh,
Ular jonimga jondosh ayirmagin-ayirma.

Do’stlar bor kulbam obod, do’stli uy g’amdam ozod,
Berding mazmunli hayot ayirmagin-ayirma.
Balandir parvozlarim so’ndirma ovozlarim,
Yayrayversin sozlarim ayirmagin-ayirma.

Baxtla tiniq osmonim, yo’q zarracha armonim,
O’zing asra iymonim ayirmagin-ayirma.
Baxt izlamay yiroqdan, minnatli o’zga yoqdan,
Shu muqaddas Vatandan ayirmagin-ayirma.