Anvar G'aniyev - Turnalar

Mening sevar yorimni,
Turnalar olib ketdi.
Tinglamasdan zorimni,
G’amlarga solib ketdi.

Turnalar ox turnalar,
Ey berahm turnalar,
Sizni ko’rsam har safar
Yurak bag’rim tirnalar.

Yor ketdi-yu ko’ksimdan,
Qalbimni yulib ketdi.
Ne-ne ezgu orzular,
Ko’nglimda qolib ketdi.

Ex siz yomon turnalar,
Qayting omon turnalar,
Yorim nechun qaytmaydi?
Aytmas hamon turnalar

Turnalarning yurtida,
Nahot u qolib ketdi.
Ayriliqning dardida
Yuragim yonib ketdi.

Turnalar ox turnalar,
Ey berahm turnalar,
Sizni ko’rsam har safar
Yurak bag’rim tirnalar.