Anvar G'aniyev - Bas (duet Mavluda Asalxo’jayeva)

Sog’inganda yuraklarim pora-pora,
Bog’lar kezib o’tar umrim beun besas,
Mayli yilda ko’rishmasak ham bir bora
Qayda bo’lmang menga omon bo’lsangiz bas.

Men hayotning gul bag’ridan hijron terdim,
Bir bag’ritosh bek yigitga ko’ngil berdim,
Endi boshga neki tushsa o’zdan ko’rdim,
Siz baxtiyor sho’xu xandon bo’lsangiz bas.

Ayro-ayro taqdir yo’li tutash emas,
Tuxmatlardan meni asray qolsangiz bas,
G’iybatlarda gohi yonim olsangiz bas,
Siz men taraf siz men tomon bo’lsangiz bas.

Qarog’larim olam yoshin to’kkan maxal,
Yodimdasiz hargiz ruhim cho’kkan maxal,
Qirq yigitdan siz haqdagi hayol afzal,
Siz men bilgan o’sha inson bo’lsangiz bas.

Sog’inganda yuraklarim pora-pora,
Bog’lar kezib o’tar umrim beun besas,
Mayli yilda ko’rishmasak ham bir bora
Qayda bo’lmang menga omon bo’lsangiz bas.