Botir Qodirov - Ta’zim (monolog)

Har ne bordur inson boshida,
O’tguvchidir asli bu damlar,
Necha ming-ming guvoh qoshida,
Ta’zimdaman sizga azizlar.

Ko’z yosh to’ksam yupatgan sizlar,
Yo’lga chiqsam kutar shu ko’zlar,
Sizga boshlab bosgan har izlar,
Ta’zimdaman sizga azizlar.

Mehr berib kutganingiz rost,
So’ratganim duolar xolos,
Solganingiz bo’ldi poyondoz,
Ta’zimdaman sizga azizlar.

Baxt neligin siz bilan bildim,
Har so’zingiz quloqqa ildim,
Siz borsiz men borligim bildim,
Ta’zimdaman sizga azizlar.

Jon quloqda tinglar so’zimni,
Onam kabi silab yuzimni,
Baxtiyor his etib o’zimni,
Ta’zimdaman sizga azizlar.

Necha ming-ming guvoh qoshida,
Ta’zimdaman sizga azizlar.