Mashxurbek Yuldashev - Ustozlar xotirasiga (duet Izzat Hadjayev. Javohir Tojiboyev)

Mangu yashamoqlik asli,
San’atning vazifasi.
Jahon sahnalariga,
Ko‘milgan xazinasi.

Avlodlarga qolgan me‘ros,
Go‘zal ijod bo‘lgani rost.
San‘atga jon fido qilgan,
Qo‘llaridan tushmagan soz.

Qalbimizda siz Ustozlar,
Unutmagaymiz Ustozlar.(2x)

Kuldirib ma‘yus ko‘z bilan,
Lol aylardi bir so‘z bilan.
Samolarga sochilgancha,
Yashamoqda yulduz bilan.

Qo‘lga olsa qalamini,
Unutgan bor olamini.
Tuyg‘ularin to‘kib solgan,
Ijoddan olgan alamini.

Qalbimizda siz Ustozlar,
Unutmagaymiz Ustozlar.(2x)

Sozin qo‘lga olgan zamon,
Kamolga baxt etgan zabon.
Dillarda mavjlanib, jo‘shib,
Kuylarda yashaydi hamon.

Farzand bilib shogirdini,
Ko‘rsatardi el dardini.
Kiprigida artib o‘tgan,
Sahnalarning har gardini.

Qalbimizda siz Ustozlar,
Unutmagaymiz Ustozlar.(2x)