Anvar G'aniyev - Sog’indim

Firoq shuncha yiroq, bo’larmi-bo’larmi,
Kel yor yuzlaringni sog’indim-sog’indim
To kelmasang ko’nglim, to’larmi-to’larmi,
Qaro ko’zlaringni sog’indim-sog’indim.

Noming qalbim so’rog’indadur,
Jamoling ko’z qarog’imdadur,
Sho’x ovozing qulog’imdadur, jonginam
Shirin so’zlaringni sog’indim-sog’indim.

Mendan ibo qilganlaringni,
Iffat bilan kulganlaringni,
Jonga orom bo’lganlaringni, jonginam
Jonon nozlaringni sog’indim-sog’indim.