Dostonbek Ahmadaliyev - Ayollar

Dunyo go’zal siz bilan,
Baxtlar ham butun.
Yuraklarga alanga,
Berar ishq uchqun.

Sizlar borki orzular,
Yozadi qanot.
Sizlar borki nasl bor.
Mangu odamzod.

Bir qo’lida beshikni quchib,
Alla aytgan aziz ayollar.
Halovatdan, oromdan kechib,
Baxtlar kutgan aziz ayollar.

Siz opasiz, siz erka singil,
Siz suyukli yorsiz yor uchun.
Siz mehribon onasiz ona,
Sizlar borki baxtimiz butun.

Boshqa tushsa g’am-kulfat,
Yoningizga chopamiz.
Quvvat olib mehrdan,
Dardga davo topamiz.

Qayda bunday iroda,
Tug’iladi savollar.
Tilsimlar ichra tilsim,
Siz muqaddas ayollar.

Hayot fayzli siz bilan,
Ko’ngillar obod.
Yasharmiz baxtlardan,
Bo’lib bizlar shod.

Baxtimizga hamisha,
Bo’ling sog’-omon.
Sizlar bor bu hayot,
Nurli charog’on.

Bir qo’lida beshikni quchib,
Alla aytgan aziz ayollar.
Xalovatdan oromdan kechib,
Baxtlar kutgan aziz ayollar.

Siz opasiz, siz erka singil,
Siz suyukli yorsiz yor uchun.
Siz mehribon onasiz ona,
Sizlar borki baxtimiz butun.

Siz muqaddas aziz ayollar.