Anvarbek - Ota-ona

O’z-o’zidan o’smaydi tog’lar,
Chiroy ochib gullamas bog’lar,
Bejiz otdan tushmaydi shoxlar,
Har ko’ngilda bir buyuk havas,
Ota-onam rizo bo’lsa bas.

Bir kechalik zahmati uchun,
Xizmatlarin qilay tun-kun,
Qolmas qalbda zarra tugun,
Soxta do’st-u tannozlar emas,
Ota-onam rizo bo’lsa bas.

Mol-u davlat mansab yo’limda,
O’g’il-qizim o’ng-u so’limda,
Mol-u davlat mansab yo’limda,
O’g’il-qizim o’ng-u so’limda,
Omad qushi mudom qo’limda,
Bordur faqat bo’ynimda bir qarz,
Ota-onam rizo bo’lsa bas.

Jarang sochgay shodlik navosi,
Yangrab turar muhabbat sozi,
El-yurt ham, Vatan ham rozi,
Yaratganning o’zi berar fayz,
Ota-onam rizo bo’lsa bas.
Yaratganning o’zi berar fayz,
Ota-onam rizo bo’lsa bas.

Ota-onam rizo bo’lsa bas…