G’ayrat Usmonov - Yarash-Yarash

Hech bo’lmasa besh-o’n daqiqa,
Sen-la yolg’iz qolgim keladi.
Savol berib, so’roqqa tutib,
Xayolingni olgim keladi,
Xayolingni olgim keladi.

Sen gul bo’lsang, men bulbul bo’lib,
Shoxlaringga qo’ngim keladi.
Sevdim desang men butkul erib,
Shartlaringga ko’ngim keladi,
Ko’ngim keladi.

Jonim beray, jonimni so’ra,
Qo’lingda jon bergim keladi.
Sensiz yashay olmasam netay?
Tanangda jon bo’lgim keladi.
Sensiz yashay olmasam netay?
Tanangda jon bo’lgim keladi.

Yaxshi kun-u quvonchlaringga,
Men ham sherik bo’lgim keladi.
Yo tashvish-u dard-alamingga,
Malhamchalik bo’lgim keladi.
Ko’ngling olsam tunda erkalab,
Visolingga qongim keladi.

Hech bo’lmasa besh-o’n daqiqa,
Sen-la yolg’iz qolgim keladi.
Savol berib, so’roqqa tutib,
Xayolingni olgim keladi,
Yor, yoningda qolgim keladi.