Mirjon Ashrapov - Otangni kechir qizim

Sog’insangda yonginangda bo’lolmadim,
Yig’lasangda ko’zyoshlaring artolmadim,
Ko’zim yumib hamda ochib aytolmadim,
Ko’zyoshingni art meni kechir qizim.

Sog’indingmi qo’g’irchog’im ko’zyoshing art,
Ko’zing yumsang yonimdasan tushingdaman,
Bir bor bosay bag’rimga deb ko’zim yumsam,
Ko’zimda yosh uxlolmadim meni kechir qizim.

Kimdur qilsa seni xafa so’kolmadim,
Xursand bo’lsang bag’rimga bir bosolmadim,
Imkon bo’lsa qani endi bo’lsam birga,
Qanotim yo’q ucholmadim kechir qizim.

Otajoning xatosini kechir qizim,
Oltin davring berib qo’ydim kechir qizim.
Onajoning yoningdaku yolg’iz qo’yma,
Mensizliging bildirmagin kechir qizim.

Sabr qilsang yoningdaman jajjiginam,
Bu kunlar ham o’tar ketar bag’rimdasan.
Xatolar ham unutilar kechirsa,
Otajoning xatosini kechir qizim.

Sog’insangda yonginangda bo’lolmadim,
Yig’lasangda ko’zyoshlaring artolmadim.
Ko’zim yumib hamda ochib aytolmadim,
Ko’zyoshingni art meni kechir qizim.

Sog’indingmi qo’g’irchog’im ko’zyoshing art.
Ko’zing yumsang yonimdasan, tushingdaman,
Bir bosay bag’rimga deb ko’zim yumsam,
Ko’zimda yosh uxlolmadim meni kechir qizim.