Murodjon Mashrabov - Do’stginam

Yaproqlarga bitib she’r,
Shamollarga uzatdim.
Unga olib boring deb,
Yiroqlarga kuzatdim.

Shamollar izlar har dam,
Makoning qaysi maskan?
Aldab ketgan do’stginam,
Sog’-u salomatmisan?
Aldab ketgan do’stginam,
Sog’-u salomatmisan?

Yodingdamu bir paytlar,
Bizlar qadrdon edik.
Mol-u mulkim bor paytlar,
Bir tan-u bir jon edik.

Men qancha azob cheksam,
Nahot sen shuncha xursand?
Aldab ketgan do’stginam,
Sog’-u salomatmisan?
Aldab ketgan do’stginam,
Sog’-u salomatmisan?

Oqartirsa sochim g’am,
O’tinchim qilmay pispand,
Tashlab ketgan do’stginam,
Sog’-u salomatmisan?

Sen kuysang men yonardim,
Suyunsang quvonardim,
Do’stimligiz chin desang,
Men sodda ishonardim.

Shamollar izlar har dam,
Makoning qaysi maskan?
Aldab ketgan do’stginam,
Sog’-u salomatmisan?
Aldab ketgan do’stginam,
Sog’-u salomatmisan?