Bahriddin Zuhriddinov - 30-yoshlilar

Kim aytdi sevmas deb o’ttiz yoshlilar,
O’ttiz yoshda sevgi o’tday bo’larkan.
Meni kechiringiz qalam qoshlilar,
Sevgi ham shu yoshda juda to’larkan.

Qirq yoshda muxabbat bo’lmas degan kim,
Sevgi iztirobin qizlardan so’rang.
Yigirma yoshlilar bilmaydir balkim,
Hijronda o’rtangan bizlardan so’rang.

Yoshlikdagi sevgi yomg’irday bir gap,
Shirdilab quyarda oqarda ketar.
Kimlarni kuydirib kimni yondirib,
Kimnidir etagin tutarda ham ketar.

Sevgi ellikda ham bo’lishi mumkin,
Sevgi oltmishda ham bo’lishi mumkin,
Sevgi yetmushda ham kelishi mumkin,
Shunday der yigitlar shunday der yurak.

Sevgi saksonda ham bo’lishi mumkin,
Shunday der yigitlar shunday der yurak.
Sevgi to’qsonda ham bo’lishi mumkin,
Shunday der yigitlar shunday der yurak.