Bahriddin Zuhriddinov - Jigarlarim

O’zim bildim ko’zim bilan ko’rganlarim,
Goh ezilib gohi to’lib yurganlarim.
Yaxshi yomon kunlarimda yonimdasiz,
Hayotimning quvonchisiz jigarlarim.

Yelkangizda ko’tardingiz g’amlarimni,
Bitta-bitta to’ldirdingiz kamlarimni,
Omadlarga tutashtirgan yo’llarimni,
Hayotimning quvonchisiz jigarlarim.

Men yomonni suyib yaxshi degan ham siz,
Sal dard cheksam yelib-yelib kelgan ham siz,
Baxt deganda ko’z oldimga kelgan ham siz,
Hayotimning quvonchisiz jigarlarim.

Keling endi bugun sizga beray,
Davra oling o’rtasida o’ynab beray.
Baxtimizni bo’lishamiz oy kulchadek,
Hayotimning quvonchisiz jigarlarim.