Alijon Rajaboyev - Borolmayman

Bir go’zalning to’yi bugun,
Borolmayman to’yxonaga.
G’ururimni sharob ichib,
Berolmayman mayxonaga.

Ko’rinmaydi dunyo ko’zga,
Ovunmaydi yurak so’zga,
Ahvolimga hamma hayron,
Go’shangada kuyov o’zga.

Borolmayman, borolmayman,
To’yingga men borolmayman.
Qololmayman, qololmayman,
Ko’nglingda men qololmayman.

Oy yuzingda oppoq parda,
Ko’rsatmaydi seni menga.
Yangalaring o’lan aytar,
Begonasan endi menga.

Visolingni xayollardan,
Topolmasdan bo’zlab qoldim.
Senga yor-yor aytilganda,
Chidolmasdan yig’lab qoldim.

Borolmayman, borolmayman,
To’yingga men borolmayman.
Qololmayman, qololmayman,
Ko’nglingda men qololmayman.

Borolmayman, borolmayman,
To’yingga men borolmayman…