Zafar Ergashov - Do’stim

Dunyoning past baland yo’llari ko’pdir,
Bu yo’lda adashmay kelganlar yo’qdir,
Yonimda do’stim bor ko’nglim tinch, to’qdir.

Doimo yonimda suyanchim do’stim.
Qildim men adashib kichgina xato,
Qarindoshlarim yuz o’girdi xatto.
Hech kimdan kelmay qolganda sado,
Yonimda tik turib kelgan chin do’stim.

Yo’qlamadi hech kim xabar olmadi,
Kuyardi onam lek menga aytmadi,
Ko’zlarimda yoshlar, sabr qolmadi,
Shu damda sabrni ulashgan do’stim.

Men yotib qolganda bo’lib bemador,
Yaqinlarim kelib ko’rmadi bir bor.
Shirin so’zga qancha bo’lganda zor-zor,
Shirin so’zlarni ilinganda do’stim.

Ko’cha ko’yda ko’rsam so’rashmaydi goh,
Yaxshi ham dunyoga emassiz podshoh,
Yaqinlar ham shunday bo’larmi ey voh,
Shularni oldida qo’llagan do’stim.

Pul uchun yurganlar bo’larkan nogoh,
Do’stini sotib qilarkanda gunoh,
Hammasiga shohid mana men guvoh,
Do’stligimizni hech sotmagan do’stim.

Yo’qlamadi hech kim xabar olmadi,
Kuyardi onam lek menga aytmadi,
Ko’zlarimda yoshlar, sabr qolmadi,
Shu damda sabrni ulashgan do’stim.

Pul uchun yurganlar bo’larkan nogoh,
Do’stini sotib qilarkanda gunoh,
Hammasiga shoid mana men guvoh,
Do’stligimizni hech sotmagan do’stim.