Bahriddin Zuhriddinov - Dengiz

Ko’pirar dengiz to’ladi dengiz,
Gohida so’zsiz tinadi dengiz,
Tubida ne bor sirtida ne bor
Faqat uni o’zi biladi dengiz.

Kim-kimlarga durlar tutqazib,
Yana kimga yo’lin ko’rsatib,
Bor dardini ichiga yutib,
Sokingina yig’laydi dengiz.

Dengiz, dengiz faqat o’zi biladi dengiz
Dengiz, dengiz dardin ichga yutardi dengiz

Sohil faqat ko’pikni ko’rar,
To’lqinlardan yuvilib turar,
Shuncha yaqin turib dengizga
Neni ko’rar nimani bilar.

Ko’z yoshdek sho’r, ko’z yoshdek issiq
U hammaga birdayin qiziq.
Kim yomon deb, kimdir maqtaydi,
Bag’ri to’la alam va siniq

Dengiz, dengiz faqat o’zi biladi dengiz
Dengiz, dengiz dardin ichga yutardi dengiz